Disney dís....

What Disney Beauty are you?

Meg-You know how to make a guy want you! You can use what you have to really make people notice you. Your confidence attracts people and causes others to want to be near you. You manage to find loyal people and have caring relationships.
Take this quiz!








Quizilla
Join

Make A Quiz More Quizzes Grab Code

Nýjasta eða ekki...

Vildi bara láta vita af mér....er búin að senda inn umsókn fyrir nafnabreytingu til Dóms-og kirkjumálaráðuneytis, þar sem bróðir hans Binna mun taka við henni og senda hana áfram til mannanafnanefndar (hugmyndir á skamstöfun á þessu nafni?!?) og þá er bara að bíða eftir að fá svar frá þeim til baka....eitt svolítið skondið hvað maður getur verið fattlaus....í vikunni hringdi í í Dóms-og kirkjum.ráðn. (dkm) og var að spyrjast fyrir um hvort ég þurfi að senda fæðingarvottorðið með þar sem ég er fædd í Noregi og það er tekið framm að það skuli sendast með ef viðkomandi sé fæddur erlendis. Ég hringi nokkru sinnum og konan bendir mér alltaf á að tala við lögfræðinginn hann Guðmund, nema hann Guðmundur er alltaf upptekinn þegar ég hringi þannig ég fæ netfangið hjá honum ....gudmundur.orvar.bergthorsson@.....is tók smá tíma þar sem þetta er frekar langt nafn og svona, sendi svo póst. Ég kem svo heim og segi Binna frá framtakssemi minni, þar sem hann segir mér að bróðir hans sé að vinna í dkm....Gummi bróðir hans!!!! Það sem er best af þessu öllu saman er að þegar ég er að stafa nafnið hans Gumma...B.E.R.G.T.H.O.R.S.S.ON fer snökkt í gegnum hausinn á mér "hey hann er Bergþórsson eins og Binni!!!" Alveg makalaust hvað fattarinn getur verið stuttur hjá manni!!!

jæja nóg af fattleysinu í mér...ég ætla aðhringja í m&p og fara svo að horfa á ROME afur í tölvunni minni þar sem er svo óóóóóógeðslega mikið að gera hérna....

Myndir frá árshátíðinni

Þá eru myndirnar af árshátíðinni komnar loksins inn á....þrufti víst bara eitt forrit til að koma þessu inn öllu í einu en ekki bara einni mynd í einu.
Nennti ekki að setja inn komment við myndirnar, dunda mér við það einhvern tímann í vinnunni þegar er lítið að gera
;o)
annars er ég farin að lúlla...góða nótt

Helgin sem leið og vikan sem byrjar

já við skötuhjúin fórum upp í sumarbústað að slappa af í orðsins fyllstu merkingu. Við komum upp eftir um kl.19 í niðarmyrkri og svartaþoku sem var bara kósý og rómó ;o)
við byrjuðum á að hita upp bústaðinn og fengum okkur að borða, reyndar skyndibita sem við tókum með okkur....KFC. Horfðum á sjónvarpið og spiluðum smá trivial, þar sem ég vann rétt naumlega. Við komum okkur bara tiltölulega snemma í háttinn og svo tiltölulega seint á fætur, eða kannski ekki eitthvað um hádegi. Tókum smá rúnt um svæðið, skiptum um kút og tókm myndir af hestum sem greinilega voru að sálast úr hungri því margir siluðust til okkar yfir hálft engið bara til að komast að því að við vorum ekki með neitt að borða, bara myndavélar.
Þegar við komum í bústaðinn aftur var ég komin með frekar leiðinlegan hausverk þannig ég lagði mig og svaf á mínu græna frá 14-19 geri aðrir betur!!! Binni tók því líka bara rólega, tók til í skúffum og hnýtti nokkrar flugur. Við grilluðum svo lamb og svín og átum á okkur gat. Nonni félagi hans Binna kom svo seinna um kvöldið og við spiluðum Buzz nokkru sinnum þar sem ég vann aldrei...líka bara ömurlegt spil....
við fórum svo reyndar nokkuð snemma að sofa á laugardaginn en tókum sunnudaginn snemma og vorum komin á malbikið um hálf 1...svo var bara eitthvað að dúllast.....fór smá í sund af því það er ekki rennandi vatn enn þá uppfrá.
Ég fékk svo bréf frá mannan.nefnd þar sem mér er tilkynnt nokkurn vegin að útaf því ég hafi sent inn vitlausa beiðni þá var tillagan að nafninu Apríl feld niður þar til ég sendi inn umsókn um nafnabreytingu og ég er einmitt að fá mömmu tl að gera dauðaleit að fæðingarvottorðinu mínu þar sem maður þarf þess víst ef maður er fæddur erlendis....dæmigert.....!!!
bið að heilsa í bili.....

ps.
er að fara að duna mér við að setja myndirnar af árshátíðinni inn á

Þá er það komið á hreint

...kannski ekki alveg með hvort nafnið verður samþykkt eða ekki en þau eru að vinna í því ;o)

þetta er það sem ég fékk til baka

Komdu sæl, Ásta Júlía.

Mannanafnanefnd tók til meðferðar beiðni þína um eiginnafnið Apríl þar sem talið var að þú værir að sækja um nafn á óskírða dóttur þína. Málinu var frestað þar sem hin nýja mannanafnanefnd vildi athuga gaumgæfilega, hvort tilefni væri til endurskoðunar á fyrri úrskurðum þannig að samþykkja skyldi eiginnafnið Apríl. Nefndin hefur ekki enn komist að niðurstöðu, m.a. vegna þess að rökstuðningur fyrir fyrri úrskurðum er í raun ekki rangur, síður en svo. Hins vegar, þegar farið var að athuga hjá Hagstofu Íslands, hvort þú ættir ekki örugglega óskírt barn, og svo var ekki, þá var málinu frestað áfram og ég skrifaði þér bréf þann 10. mars sl. Aðstaðan er nefnilega sú, að mannanafnanefnd afgreiðir aldrei almennar fyrirspurnir um nöfn og á ekki að gera það.

Annars geta beiðnir um samþykki fyrir nafni borist mannanafnanefnd á þrjá vegu:

a) beiðni foreldra/foreldris um samþykki fyrir nafni fædds en óskírðs barns,
b) beiðni frá dóms- og kirkjumálaráðuneyti um samþykki fyrir nafni í þeim tilvikum þegar sótt hefur verið um nafnbreytingu til ráðuneytisins, og umbeðið nafn er ekki á mannanafnaskrá (eins og verður í þínu tilviki)
c) beiðni frá Hagstofu Íslands um samþykki fyrir nafni í þeim tilvikum þegar prestur hefur skírt barn nafni sem er ekki á mannanafnaskrá. Þá er Hagstofunni óheimilt að skrá nafnið á þjóðskrá.

Í þínu tilviki mæli ég með því að þú sendir dóms- og kirkjumálaráðuneytinu beiðni um nafnbreytingu en eyðublöð er að finna á vef ráðuneytisins. Ég vil auðvitað ekkert segja um það, hvort mannanafnanefnd samþykki Apríl - en við erum að skoða málið eins og ég sagði áður þannig að við erum ekki enn búin að hafna nafninu !

Bestu kveðjur,
Kolbrún Linda Ísleifsdóttir formaður mannanafnanefndar

Fyrirspurn

Ég ákv. loksins að senda inn fyrirspurn til mannan.nefndar, hérna eru bréfin sem fóru okkar á milli...

Góðan daginn Ásta Júlía Beck heiti ég.
Ég sendi inn umsókn fyrir eiginnafnið Apríl rétt fyrir jól. Ég fékk síðan svar frá nefndinni í lok janúar þar sem tilkynnt var að afgreiðsla málsins væri frestað til frekari skoðunar og gagnaöfunar.
Ég var og er mjög ánægð með að umsóknin mín skuli hafa verið tekin til skoðunar í ljósi þess að nafninu hafði verið hafnað stuttu áður en ég sendi inn mína umsókn. Það eina sem ég er að sækjast eftir með þessu bréfi er að leita upplýsinga um stöðu málsins, ég skil vel að svona tekur tíma og það eru líklega mörg mál sem bíða afgreiðslu hjá nefndinni.

Með von um skjót svör

Virðingarfyllst
Ásta Júlía Beck

Svo fékk ég til baka frá formanni....

Komdu sæl, Ásta Júlía.
Okkur í mannanafnanefnd vantar að vita, fyrir hvern nafnið á að vera, en samkvæmt upplýsingum frá Hagstofu Íslands er ekkert nafnlaust (óskírt) barn skráð til heimilis hjá þér. Það er nefnilega ekki á verksviði mannanafnanefndar að taka til meðferðar beiðnir um samþykki fyrir nafni eða nöfnum handa ófæddum börnum.

Hins vegar, ef þú ert að sækja um nafnbreytingu fyrir þig eða barn þitt, þá verður þú að sækja um það til dóms- og kirkjumálaráðuneytisins á sérstökum eyðublöðum, sem eru birt á vef ráðuneytisins. Og berist slík beiðni til ráðuneytisins fyrir óskráðu nafni, þá sendir ráðuneytið málið til mannanafnanefndar.

Með góðri kveðju og ósk um svar,
f.h. mannanafnanefndar,
Kolbrún Linda Ísleifsdóttir, formaður

Ég var svolítið sár en ákvað að athuga þetta nánar og sendi þetta til hennar...

Sæl Kolbrún og þakka þér fyrir að svara mér svona fljótt
Nafnið er fyrir sjálfa mig, þar sem ég hef gengist undir því nafni frá blautu barnsbeini og geri enn.
Þar sem ég þekki lítið til í þessum málum ákvað ég að senda inn þessa umsókn því ég var ekki viss um hvort ég ætti að sækja um nafnabreytingu eða byrja á því að sækja um nafnið. Ég taldi að best væri að byrja á því að sækja um nafnið þar sem ég vissi að það væri ósamþykkt og hélt að beiðni um nafnabreytingu yrði hafnað á þeim grundvelli.
Þá er í raun ein spurning sem liggur á mér, var afgreiðslu málsins frestað af því ég sendi inn ranga beiðni eða er málið í skoðun um hvort eigi að samþykkja nafnið?
Ef þetta er spurning um umsókn þá sendi ég að sjálfsögðu inn fyrir nafnabreytingu en vona að það verði samt hægt afgreiða fyrri umsókn þar sem þetta er þegar öllu er á botninn hvolft spuning um hvort eigi að samþykkja eiginnafnið Apríl eða ekki.

Virðingafyllst

Ásta Júlía Beck (Apríl Eik Stefánsdóttir)

og svo bíð ég bara spennt...

Stjönnuspá....

svona spá hefur maður ekki fengið áður.....
ætla að vera stolt af spánni fyrir sporðdrekann

http://b2.is/?sida=tengill&id=152016

Helgarfrí

Helgarfrí.....þá er maður komin í helgarfrí...verður svo sem ekki mikið merkilegt gert nema kannski að kíkja aðeins út á laug ef ég á einhverja vini sem vilja vera memm....vinn úr því seinna.
Stóru góður fréttirnar sem ég minntist á um daginn eru þær að m&p eru að flytja til rvk...loksins!!! Pabbi hringdi bara up úr þurru fyrir viku og sagði mér að hann og mamma væru að fara að segja upp og flytja suður.....ha?!?! tók mig smááááá tíma að fatta þetta en það kom á endanum. Þannig núna er fasteignasjónvarpið allt í einu orðið voða áhugavert ;o)
Þeim langar að flytja hingað í svona “efri hluta” rvk, s.s. breiðholt, árbæ eða selás (minnir að hverfið sem er hérna rétt hjá árbænum heiti selás) það yrði ekkert smá næs að hafa þau hérna svona nálægt allt í einu, þá get ég farið í sund með mömmu og bíó með pabba. Það er hins vegar svolítið sorglegt að hugsa til þess að síðustu jól voru SÍÐUSTU jólin fyrir vestan, en það verður hins vegar mjööög gott að hafa þau hérna í rvk næstu jól og hlakka ég mjög mikið til þess. Þetta var svo sem aldrei spurning um hvort heldur hvenær og ég verð mjög fegin þegar þau koma til okkar (ekki bara mín og Binna heldur líka Júlla, Sollu, Sonju, Eydísi Völu, ömmum mínum, Völu frænku og allra hinna sem eru hérna). Ég og Binni ætlum líklega að fara um páskana og hjálpa til við að henda einhverju út og þá þarf ég að fara að taka saman þetta dót sem ég á heima, dótið sem maður notar aldrei, saknar ekki, skoðar aldrei og veit meira og minna ekki af því fyrr en á að fara henda því og þá tímir maður því ekki.
Annars er það af okkur að frétta...eiginlega ekki neitt...við erum enn þá að fara til Benidorm í ágúst, ég er ekki búin að fá svar varðandi nafnið, ég er reyndar búin að sækja um breytt lögheimili en það er ekki komið inn og svo erum við bara að vinna og vinna og ræktin þess á milli (oftast samt á undan á morgnana)
Jæja þetta er nóg í bili, tölvan orðin heit og ég nenni ekki að vesenast í þessari myndasíðu lengur....ekki alveg jafn auðvelt og ég hélt.
Binni er að koma heim heyrist mér og þá ætla ég að fara að kaupa mér íþróttaskó, ég var að hlaupa í þessum sem ég er að notast við núna, sumarið sem ég fór til Benidorm.....2001

Takk og bless

Myndir

jæja þá er ég loksins búin að koma því í verk...ég setti myndasíðu hérna vinstramegin í boði símans....fer svo kannski að blogga þar inn á í framtíðinni en höfum þetta svona til að byrja með

sjáumst

p.s.
ætla ekki að segja frá leyndóinu alveg strax þó ég megi það ;)