skóliskóliskóli....

Vika 3 liðin og námið hellist yfir mann. Var að vinna í dag og viti menn...ég kláraði að glósa í 3 kafla og allan 5 kafla í sálfræði og meira en helminginn af dæmunum í 16.kafla í lífefnafr. þetta er rosalega mikið fyrir 1 dagsverk en það er alveg heill hellingur eftir, en þá er bara að spíta í lófana og massa þetta. Ég verð svo að vinna í 12 tíma aftur á morgun og það er alltaf rólegra á sunnudögum þannig þetta ætti að klárast eitthvað hjá okkur.
Það var staffapartý á föstudaginn hjá Ingu hópstjóra. Drykkur Söluversins var í boði en ég var skýr í kollinum og ákv að vera ekkert að drekka svo ég gæti farið í ræktina, vinna og læra í dag. Skemmti mér bara mjög vel samt sem áður. :o)
Næstu helgi verður svo annað á teningnum...kveðjupartý Esterar og Ágústar...það verður eitthvað held ég. Ég ákv. alla vega að vera róleg og læra þessa helgina því ég sé fram á að það verði ekki mikið um það næstu helgi...
Núna er kl orðin frekar margt og ég að fara að taka dótið mitt saman og koma mér heim....
bið að heilsa í bili....

Brúðkaup 2

Þá erum við búin með brúðkaupspakkann í ár.
Þau Björg Arna og Gummi gengu í það heilaga á laugardaginn, í grenjandi rigningu. Ég og Binni upplifðum smá "4 weddings and a funeral" þegar við vorum að koma okkur í kirkjuna. Af einhverjum óskiljanlegum ástæðum vorum við sein. Kirkjan er hjá Hamraborginni og við fórum þar beint yfir, kom þá í ljós að vegurinn sem við héldum að liggi upp að kirkjunni var göngustígur. Binni ætlaði þá bara að taka hringinn og koma hinum megin frá og hvað gerist....einhverjar vegaframkvæmdi og ekki hægt að beygja til hægri, bara hægt að fara áfram. Við orðin mjög stressuð í Kópavogi og rötuðum ekki neitt. Fyrir einhverja lukku komumst við samt á áfangastað og vorum bara 3 síðust inn....í nettu taugaáfalli. Athöfnin var stutt og mjög falleg. Eldri strákurinn þeirra, Axel Már, var hringaberi og stóð sig mjög. Senuþjófurinn var hins vegar litli bróðir hans sem er 20 mánaða og situr ekki kyrr við svona hátíðlega athöfn. Það var bara gaman að hafa hann þarna hlaupandi um og dansandi í "tónlistaratriðum" Besta tímasetningin hjá þeim litla var hins vegar þegar var komið að stóru stundinni hjá honum Gumma (segja Já við nokkrum spurningum) kom sá litli, togaði í jakkann hans Gumma og kallaði:"pabbi, pabbi, pabbi, pabbi," og hljóp svo í burtu. En já allt gekk þetta vel fyrir sig og gæsahúð ársins kom þegar þau voru við það að ganga út kirkjugólfið og var þá spilað You'll Never Walk Alone...Gummi er poolari fram í rauðan dauðan (eins og Binni) og var búinn að biðja um að fá þetta lag en Björg neitaði (vildi að þetta kæmi á óvart....sem var eins og margt annað um kvöldið)
Veislan var haldin á Nordica og var maturinn frábær í FLESTA staði nema fyrir utan martröð allra kokka!!!!! Maturinn kláraðist!!!! Hefði ekki þurft að gera það hefðu þeir ekki skammtað svona rosalega á fyrstu borðin, 3 tegundir af kjöti og 2 sneiðar af hverju!! Við vorum á borði nr. 2 eftir háborðinu þannig við fengum nóg, en ekki allir því miður. Björg og Gummi komust svo ekki að þessu fyrr en daginn eftir. En dagskráin var mjög góð. Þau höfðu fengið Stebba Hilmars til að syngja (Björg mikill aðdáandi) en áður en hann söng þá hélt frændi Bjargar smá ræðu og kynnti Stebba, nema á undan honum labbar inn Gospelkórinn...takk fyrir. Hann sem sagt bætti því inn í atriðið hans Stebba. Þegar Stebbi var búinn með sitt atriði koma mamma frænda hennar og hélt ræðu. Hún var svolítið vandræðalegt því viti menn henni hafði dottið þetta sama í hug og fékk hann Pál Rósinkrans til að syngja. Hann átti bara að syngja 2 lög en hann bætti við 3. laginu Amore og þvílík rífandi stemning sem hann náði upp kallinn...stóðu allir upp, héldust í hendur og sungu með. Eftir matinn og tertuna spilaði hljómsveit pabba brúðunnar við mjög svo góðar undirtektir.
Ballið hélt svo áfram til kl.2 og þá tók við um klt. kveðjuathöfn og vorum við ekki komin út fyrr en um kl.3 og heim hálf 4. Ég var í gellu háhæluðuskónum mínum og ætlaði varla að komast upp stigann heima og var með smáááá sting í lærunum daginn eftir.
En frábært brúðkaup í alla staði, hefði sko alls ekki viljað missa af þessu.

skóli...

þetta er ekki alveg að gera sig...var að muna það í gær að við erum víst í siðfræði líka :o/ djöfull....var búin að gleyma því.
gengur svona ágætlega í þessu öllu saman en get eiginlega ekki sagt meira því þetta er víst bara vika nr. 2
fór ekki í vísindaferðina á föstudaginn en það var heljarinnar fjör, hot'n sweet í sprautum og eplasnafs í þvagpokum (ónotuðum vona ég)
Ég og Binni erum svo að fara í brúðkaup núna á laugardaginn og svo fer maður hætta þessu "djamm" rugli.
Er að fara í yoga núna og gegnur bara ágætlega, verður samt voða ljúft svona skólalega séð þegar námskeiðin er búið ;o)

en hafði það bara gott þar til næst....hver svo sem les þetta ;O)

þá er bara að koma sér af stað...

jæja fyrsta vikan af skólanum liðin...hef nú ekki komið mér mikið í það að læra þó eitthvað. Hef þurft að gera hitt og þetta, fá Júlla til að laga rúðuþurkurnar á bílnum fara með bílinn í smurningu og meira snatteri fyrir heimilið. Ofan á þetta allt saman er ég komin með vöðvabólgu sem veldur krónískum hausverk, fékk slæmt kast í gær og í nótt. Var að reyna að jafna mig á þessu í dag með því að leggja mig en allt kom fyrir ekki. Binni nuddaði svo á mér axlirnar með voltaren dolo kreminu sem ég trúi að muni gera kraftaverk. Er svo að fara að læra með stelpunum (Lára og Ásthildur, 2 stelpur sem voru að vinna niðri í Síma) kl. 8 í fyrramálið. Við ætlum að hittast alltaf 1 sinni í viku, fimmtudögum, því þá er frí hjá okkur og þá ætlum við að fara yfir námið saman.
Annars er það að frétta að við ætlum upp í bústað á helginni með m&p, sem verður líklega síðasta skiptið á þessu ári.

ætla að lesa aðeins yfir glærurnar í lífefnfr. fyrir morgun daginn.

bið að heilsa.

Apríl Eik

Skólaárið hafið

Fyrsti skóladagurinn var í gær.
Það var Sálarfræði í 3 tíma, sem bara ágætis byrjun. Ég er búin að sitja heima í dag og glugga aðeins í efnafræðina, er ekki búin að vera að sökkva mér beint í þetta en það mun allt saman koma. Ég þarf fyrst að bæta Office pakkanum í tölvuna til að geta gert þetta af alvöru, hálfvængbrotin að geta ekki skoðað glærurnar frá kennurunum meðan ég er að lesa. Það reddast fljótlega.
Binni fór svo að steggja hann Gumma félaga sinn, kl. 7 í morgun eftir 4 tíma svefn....náði ekki að sofna eins snemma og til var ætlast. Ég ætlar bara að vera rólega hérna heima í kvöld, lesa kannski smá meira í samblanda við að horfa á sjónvarpið....grunar að þar sé ekki mikið merkilegt.
En jæja bara smá update á lífinu hérna í Hraunbæ 124

Bið að heilsa

Apríl